المثل بيقول ....

موضوع: رد: المثل بيقول .... 2008-05-19, 8:23 pm

:evil:

اللى ربى خير .. من اللى أشترى

Basketball

_________________

موضوع: رد: المثل بيقول .... 2008-05-19, 8:52 pm

ياواخد القرد على ماله يغور المال ويفضل القرد على حاله

موضوع: رد: المثل بيقول .... 2008-05-21, 12:44 am

إللى إختشوا .....ماتوا

أنفرااااااد لمنتدانا

قصة المثل

كان وياما كان من روائع وحكَم أيام زمان، وقت ما كان فى إحترام لكيان وجسد الانسان. يٌحكى أنه كان هناك "حمام شعبى" لزوم الصحه والرفاهيه بتجيه الستات-بس- من أنحاء البلاد، كان زى النوادى الصحيه والbeauty centers بتاعة دلوقت بس طبعاً الحال غير الحال علشان زى ما بيقولوا إن...كل وقت وله آذان....ولكل مقام مقال. الفرق بينهم بالظبط زى الفاكهه الطازه الغاليه الملفوفه بورق سوليفان وغيرها المكشوف لقذارة الدبان. وكانت الستات تجيه على استحياء وكل واحده مغطيه وشها علشان ما على حد غريب أو مار فى الشارع يبان.
المهم، فى يوم من ذات الأيام، إشتعلت النيران داخل الحمام وحاصرت الستات فى كل مكان والكل صار على حاله قلقان.
واصبحت النسوه" بين نارين"إما أن يخرجن هكذا على الناس وزى ما تيجى ويا روحى ما بعدك روح، ومش مهم انى اتكشف على غريب، وأخريات قٌلن..لاااا،،مستحيل أخرج على الناس كدا الموت أهون ولا إنى أعيش عينى مكسوره ،أنا لو ما مت دلوقت من النار هموت بعدين من الخجل والكسوف. ودول هم "إللى إختشوا" فماتوا.
ولأن وقتها كمان الرجاله كان عندهم حياء، لم يتجرأ أحدهم على إقتحام الحمام وتركوا الستات كل واحده للمصير الذى تحدده. إما "قلة حياء مع حياه" أو " حياء مع الموت".
وبالفعل هانت على بعض النسوه أجسادهن وخرجن، فى حين رجحت كفة الحياء عند من مات منهن. وسار الناس فى الشوارع يرددون "إللى إختشوا ماتوا" وربنا يرحمهم ويرحمنا جميعاً.
مثَل شعبى، ممكن تكون سمعته أو حتى رددته كتييير فى حياتك اليوميه، عن نفسى ما بيمر يوم غير لما بقوله من إللى بسمعه وبشوفه.من أول المسلسلات والأفلام والكليبات لحد طريقة لبس البعض فى الشوارع وكمان الموديلات المعروضه وكأنها مش فى بلد شرقى مسلم محترم.

_________________